Conducto Coloquio

Conducto Coloquio formouse en Lugo no 2013 da man do baixista arxentino Lea Escudero (Resbalón), o guitarrista Iago Rego, na batería Víctor (Skullkrusher, Kalte Sonne) e o cantante e guitarrista Miguel Bello (Resbalón, La Penúltima). Pasado pouco tempo Iago deixou a banda e xa con formación de power trío foise concretando e definindo o son ata chegar a un punto a medio camiño do blues e o hard-rock. Ó longo do 2014 e 2015 foron xurdindo novos temas e leváronse a cabo as primeiras actuacións en directo.
No 2015, coincidindo coa gravación do disco Germinal, incorporouse ó grupo o tecladista ecuatoriano Andrés Haensel (Los Mangosaurios, Ganjah Roots). Posteriormente e tras a súa participación no disco Germinal e a colaboración nun directo no San Froilán de 2015, uniuse o guitarrista lucense  Luis "Bedu" Pérez (Psicolepsia, Tierra de Cinco Minutos).